Í ár eru 18 næmingar, sum fáa fráfaringarprógv fólkaskúlans, og í gjárkvøldið var hátíðarløta í hesum sambandi. Tað er altíð bæði hugaligt og sorgblítt at siga næmingum farvæl, og tað var tað eisini í gjár. Men vit mugu siga, at tað er eisini við stoltleika og góðum vónum, at vit í skúlanum senda tykkum næmingar víðari. Vit hava verið glað fyri at havt tykkum her. Tit hava givið og lært okkum nógv, og vit eru takksom fyri tykkum. Skúlin ynskir tykkum alt tað besta á lívsleiðini og at Guð má signa framtíð tykkara.