Bókasavnið í Stranda skúla

Stranda Bókasavn er skúlabókasavn og alment bókasavn í einum. Øll eru vælkomin at læna bøkur á bókasavninum, sum er í Stranda skúla.

Á Stranda Bókasavni eru næstan allar føroyskar bøkur, sum eru komnar út seinastu 30 árini, bæði barnabøkur, ungdómsbøkur, skaldsøgur, stuttsøgur, yrkingar og fakbøkur.

Fakbøkur fevna um mangt og hvat: náttúru, bygdasøgu, list, ævisøgur, mál, uppskriftir, handbøkur – og nógv, nógv annað.

Eisini er eitt úrval av donskum barna- og ungdómsbókum, skaldsøgum og fakbókum.

Ljóðbøkur – bøkur at lurta eftir: skaldsøgur, endurminningar, søga, barnabøkur, ungdómsbøkur. Tær flestu eru sum fløgur, men nakrar eru á kassettubondum.

Stranda Bókasavn er tøkt á internetinum. Tað ber til at síggja hvørjar bøkur savnið hevur,  og um tær eru tøkar á www.bokasavn.fo.

Bókasavnið er opið

Opið um dagin	Opið um kvøldið	Bókasavnið
Týsdag: 9.30 - 11.45 Hósdag: 9.30 - 11.45 Fríggjadag: 10.50 - 12.40	Týskvøld:       kl. 18 - 20  Mikudag:       kl. 16 - 18	Bókasavnið Stranda Bókasavn er skúlabókasavn og alment bókasavn í einum. Øll eru vælkomin at læna bøkur á bókasavninum. Barnagarðar, pensjonistafeløg og aðrir felagsskapir eru vælkomnir at avtala tíð at koma at vitja bókasavnið. Teldupostadressa: vp1002i4@skulin.fo Bókavørður á Stranda bókasavni er Vár D. Poulsen. Teldupostadressan hjá henni er: vp1002i4@skulin.fo

Bókasavnið er tó ikki opið í feriutíð (fylgir skúlafrítíðini).