Mikukvøldið 12. juni var hugnalig fráfaringarløta fyri Ragnari Danielsen, nú hann gevst sum lærari. Ragnar byrjaði í Stranda skúla í 2003, men áðrenn tað hevði hann verið lærari í Haldórsvík í fleiri ár. Ragnar er kendur millum næmingarnar fyri sínar tekningar og stuttligu fyrisagnir, har hann fann uppá søgur við nøvnunum á næmingunum í flokkinum. Leiðsla og starvsfólk skúlans takka Ragnari hjartaliga fyri tíðina í Stranda skúla og ynskja honum blíðan byr og Guðs signing víðari fram á lívsleiðini.