Næmingatalið í Stranda skúla veksur nú fyri hvørt ár. Hetta skúlaárið ganga 181 næmingar í skúlanum, og tað eru fleiri enn 15 ár síðani, at talið var so høgt. Hægsta næmingatal nakrantíð var í 2003, tá 256 næmingar gingu her, og fægst næmingar (í nýggjari tíð) vóru í 2016, tá einans 111 næmingar gingu í Stranda skúla. So upp á einans 13 ár minkaði talið við 145 næmingum, ella meiri enn eini helvt. Men nú veksur aftur við rúkandi ferð, og hesi seinastu 10 árini er næmingatalið vaksið við 70 næmingum. Í ár eru 20 fleiri næmingar enn síðsta skúlaár.