Tíðindi

25. sep 2023

Lærarastarv í Stranda skúla

Lærarastarv í Stranda skúla


Eitt tíðaravmarkað starv verða lýst leys til setanar frá 20. oktober 2023 og restina av skúlaárinum 2023/24:

Vegna barnsburðarfarloyvi verður søkt eftir einum lærara at undirvísa í føroyskum, støddfrøði, ha/list, ítrótti/svimjing gentur í byrjanardeildini og miðdeildini. Setanarbrotið er 0,9.

Søkt verður eftir lærara, sum

undir ábyrgd leiðslunnar og í samstarvi við lærarar skúlans skulu undirvísa og taka lut í dagliga arbeiði skúlans
duga at samstarva og er fyrikomandi
er fúsur at taka á seg tær uppgávur, sum eru í skúlanum
halda fast um stavnhaldið, at í okkara skúla skulu øll kenna seg væl og trívast
er fúsur at taka við avbjóðingum og broytingum, sum menna og skapa virðing fyri skúlanum
er vanur at nýta teldu í undirvísingini

Førleikakrøv:

Læraraútbúgving og linjulestur ella samvarandi førleiki í nevndu lærugreinum/ lærugreinaøkjum.

Lønar- og setanartreytir

Størvini verða lønt í lønarflokki 18.1 – 29.2 sambært avtalu millum Fíggjarmálaráðið og Føroya Lærarafelag.

Umsóknir

Umsóknir við c.v., avriti av prógvum og møguligum ummælum skulu vera skúlastjóranum,

Hans Petur Jacobsen,

Strandatún 17

490 Strendur,

hans.petur.jacobsen@skulin.fo

í hendi í seinasta lagi mikudagin 4. oktober 2023 kl. 15.00.

 

Fleiri upplýsingar um starvið fáast við at ringja til skúlastjóran, Hans Petur Jacobsen, tlf. 232730.

Á Stranda skúla eru 150 næmingar og 20 lærarar. Meira er at lesa um skúlan á heimasíðuni www.strandaskuli.fo

 

17. mai 2024
Kunning í sambandi við íkomnu støðuna av verkfalli­num.
17. mai 2024
Síðsti undirvísingardagur hjá hádeildini
01. mai 2024
Svimja á sjónum
04. apr 2024
Lesimaraton - myndir
02. apr 2024
Lesimaraton
11. mar 2024
Byrjanardeildin í bygdahúsinum
07. mar 2024
Dansibólkur vitjaði mið- og hádeildina
06. mar 2024
SSP-politistur vitjaði 1.flokk
Send fyrispurning