Í fagrasta veðri í morgun fór allur skúlin út at renna. Dagurin byrjaði tó sum vanligt við morgunsangi, og so høvdu nakrir næmingar í hádeildini upphiting saman við okkum í skúlagarðinum. Klokkan 8.30 fóru øll so spent avstað norður móti Sálarbótará. Tann 10 km langi túrurin var sera góður í dag. Øll komu fram, og lagið var gott. Dánial var fyrstur á mál, og stutt aftaná hann kom beiggin Jónatan. Tríggir næmingar og ein lærari fóru túrin tvær ferðir: Esmar, Emma, Elisa og Pól A. Klokkan 12 komu tey síðstu á mál, og tá gjørdist veðrið eisini eitt sindur gráari, so vit vóru heppin at fáa ein góðan rennidag í sera góðum veðri.