Tíðindi

26. mai 2023

Størv í Stranda skúla

Hesi størv verða lýst leys til setanar frá 1. august 2023.

Námsfrøðingar

Søkt verður eftir námsfrøðingum í tíðaravmarkað starv skúlaárið 2023-24. Størvini eru 1100 árstímar hvørt (lønarbrot 0,61), 28 klokkutímar um vikuna.

 

Lærarar

Søkt verður eftir lærarum til trý tíðaravmarkað størv og trý føst størv:

·        einum lærara at undirvísa í náttúru & tøkni, sangi/tónleiki.

·        einum lærara at undirvísa í samfelagsfrøði og enskum umframt í miðdeild.

·        einum lærara at undirvísa í smíð og gentuítrótti.

·        einum lærara at undirvísa í heimkunnleika, lívfrøði og gentusvimjing.

·        einum lærara at undirvísa í støddfrøði, føroyskum og sangi/tónleiki i byrjanardeild.

·        einum lærara at undirvísa í søgu, landafrøði og støddfrøði

Harumframt eitt tíðaravmarkað starv niðursetta tíð vegna barnsburðarfarloyvi.

 

Søkt verður eftir námsfrøðingum og lærarum, sum

  • undir ábyrgd leiðslunnar og í samstarvi við starvsfólk skúlans skulu undirvísa og taka lut í dagliga arbeiði skúlans
  • duga at samstarva og eru fyrikomandi
  • eru fúsir at taka á seg tær uppgávur, sum eru í skúlanum
  • halda fast um stavnhaldið, at í okkara skúla skulu øll kenna seg væl og trívast.
  • eru fús at taka við avbjóðingum og broytingum, sum menna og skapa virðing fyri skúlanum
  • eru vanir at nýta tøkni í undirvísingini
     

Førleikakrøv:

Viðkomandi útbúgving.

 

 

 

Lønar- og setanartreytir

Námsfrøðingarnir verða løntir eftir sáttmála millum Føroya Pedagogfelag og Fíggjarmálaráðið. Námsfrøðingar verða løntir í lønarflokki 11-20, 11-21 frá 1. oktobur 2018. Størvini verða sett sum sáttmálasett størv.

Lærararnir verða løntir í lønarflokki 18.1 – 29.2 sambært avtalu millum Fíggjarmálaráðið og Føroya Lærarafelag. Tey tíðaravmarkaðu størvini verða sett fyri skúlaárið 2023-24.

 

Barnaváttan verður kravd í sambandi við setanina.

 

Umsóknir

Umsóknir við c.v., avriti av prógvum og møguligum ummælum skulu vera skúlastjóranum,

Hans Petur Jacobsen,

Strandatún 17

490 Strendur,

hans.petur.jacobsen@skulin.fo

í hendi í seinasta lagi fríggjadagin 9. juni 2021 kl. 15.00.

 

Fleiri upplýsingar um størvini fært tú við at ringja til skúlastjóran, Hans Petur Jacobsen, tlf. 232730.

 
Stranda skúli hevur komandi skúlaár uml. 150 næmingar 2 námsfrøðingar og uml. 20 lærarar. Tú kanst lesa meiri um skúlan á heimasíðuni www.strandaskuli.fo

25. sep 2023
Lærarastarv í Stranda skúla
25. sep 2023
Skráin fyri Stranda kvøldskúla veturin 2023/­2024
24. aug 2023
Skúla­renningin 2023
16. aug 2023
22 fitt børn byrjaðu í 1. flokki í dag
08. aug 2023
Nýtt skúlaár
20. jun 2023
Prógvhandan
16. jun 2023
Fráfaringarsamkoma fyri Sverra
16. jun 2023
Prógvhandan
Send fyrispurning