Tað vóru 21 spent børn saman við foreldrum, sum komu í skúlan í gjár at skriva seg inn. Børnini skrivaðu sítt navn á eitt ark og fingu hvør sína bók, áðrenn tey fóru í fimleikarhøllina at spæla, meðan foreldrini fingu kunning um skúlan og skúlans virksemi. Aftaná fóru foreldrini eisini í fimleikarhøllina at spæla saman við børnunum. Dagurin endaði við kaffi, smákakum, Svali og KitKat. Vit í skúlanum gleða okkum at síggja tykkum øll aftur í august.