Í ár var pyntidagurin hjá hádeildini eitt sindur øðrvísi, enn hann plagar. Næmingarnir pyntaðu í hálvan annan tíma, og so kom Sjúrður Jensen og greiddi teimum frá, hvussu tað er at vaksa upp í einum ótryggum heimi, har rúsdrekka setir dagsskránna. Aftaná Sjúrð komu næmingar úr Runavíkar skúla og høvdu konsert fyri okkum. Eisini sungu vit nakrar jólasangir saman, áðrenn vit endaðu dagin við rísalamangi.