Áðrenn vit fóru í heystfrítíð í dag, samlaðust øll í Borgini til talentshow. Næmingaráðið skipaði fyri, og tey høvdu fingið fleiri at framføra ymiskt. Eisini vóru fleiri, sum vístu sínar tekningar fram. Sera dugnaligir næmingar! Og eitt óføra gott talentshow. Vit gleða okkum longu til næsta talentshow, tí tað eru fleiri, sum hava okkurt at vísa fram, men sum ikki hava havt dirvi til at bjóðað seg fram. Tað verður vónandi næstu ferð. Góða heystferiu øll somul, vit síggjast aftur mánadagin 17. oktober klokkan 8.00.