Tíðindi
Stuðlar í Stranda skúla
Hetta skúlaárið arbeiða fýra námsfrøðiligir stuðlar í Stranda skúla. Allir stuðlarnir byrjaðu ikki fyrsta skúladag, men í síðstu viku var alt komið upp á pláss, so nú eru øll byrjað. Stuðlarnir eru Súsan Benjaminsen, Mike Rahbek, Dijana Savic og Lis Olsen. Súsan er námsfrøðingur og arbeiðir í miðdeildini mánadag og mikudag. Mike er 20 ára gamal hondbóltspælari úr Keypmannahavn, sum nú spælir við St.Í.F. Hann arbeiðir í byrjanardeildini mánadag. Týsdag er hann í miðdeildini og hádeildini, hósdag í miðdeildini og byrjanardeildini og fríggjadag í byrjanardeildini og hádeildini. Dijana og Lis arbeiða í frítíðarstovuni, men eru nakrar tímar um vikuna í byrjanardeildini. Lis er mánadag og annanhvønn mikudag. Dijana er týsdag, hósdag og fríggjadag.