Næmingarnir í myndlist høvdu pyntað hølið væl og sett pall upp, so karmarnir vóru av teimum bestu, tá hinir næmingarnir spentir sluppu inn í fimleikarhøllina kl. 10.30. Og tey fingu sanniliga nakað fyri "pengarnar". Nógvar góðar, stuttligar og flottar framførslur vóru á skránni, og áskoðararnir vóru tiknir av bóli av øllum talentunum, sum framførdu. Áskoðararnir vóru eisini óførir at klappa og heppa, so framførslurnar veruliga gjørdust góðar. Takk fyri tit, sum framførdu og leiddu løtuna og takk til áskoðararnar fyri góðan stuðul. Vit gleða okkum longu til næstu framvísing, og munnu tað ikki vera uppaftur fleiri, sum bjóða seg fram tá?