Tíðindi

30. sep 2021

Lat okkum vera virkin saman í oktober!

1. oktober byrjar átakið “Virkin oktober”, sum er ein endurtøka av væleydnaða átakinum “Virkin januar”, sum Fólkaheilsuráðið skipaði fyri fyrstu ferð í januar. Átakið er partur av verkætlanini ABC fyri sálarliga heilsu, ið snýr seg um at styrkja og fremja sálarligu heilsuna hjá øllum íbúgvum í Føroyum.

Fólk, sum í stóran mun eru virkin, hava í størri mun kenslu av vælveru og betri sálarligari heilsu, enn tey, sum ikki eru virkin. Við átakinum virkin oktober eggja vit einstaklingum, skúlum, feløgum, arbeiðsplássum og stovnum at taka lut í átakinum í oktober og soleiðis gera okkurt gott fyri sálarligu heilsuna hjá bæði sær sjálvum og øðrum.

Virkin oktober er ein álmanakki fyri oktober. Hvønn dag í mánaðinum vísir álmanakkin á, hvussu ber til at vera virkin uppá ymiskar mátar, ið hava jaliga ávirkan á sálarligu heilsuna. At vera virkin snýr seg bæði um at vera virkin kropsliga, sosialt, sálarliga og andaliga. Til ber at fylgja uppskotinum hvønn dag ella at fáa íblástur til annað virksemi, ið gevur tí einstaka størri kenslu av meining.

Vinarliga

Fólkaheilsuráðið
J.C. Svabosgøta 43
FO 100 Tórshavn

Faroe Islands
Telefon:     +298 30 47 00

t-postur: fhr@folkaheilsa.fo

web: www.folkaheilsa.fo

26. okt 2021
Talentframvísing
22. okt 2021
Hugnalig vitjan
20. okt 2021
Felags foreldrafundur ÚTSETTUR!!
08. okt 2021
Jarðarferðin verður leygar­dagin kl. 14
07. okt 2021
Marion Poulsen farin
30. sep 2021
Lat okkum vera virkin saman í oktober!
24. sep 2021
Skráin fyri Stranda kvøldskúla veturin 2021/­2022
30. aug 2021
Rennidagur í fagrasta veðri
Send fyrispurning