Tíðindi

24. mai 2021

Broyttar mannagongdir í sambandi við koronustøðuna

Smittutølini í Føroyum eru hækkað munandi í vikuskiftinum, og tí hevur heilsufakligi ráðgevandi bólkurin til skúlar og dagstovnar havt fund og er komin fram til, at skrivligu próvtøkurnar verða hildnar sambært ætlan, men frástøðan millum næmingarnar skal vera 2 metrar. Eisini má ansast eftir, at næmingar halda frástøðu við komu til próvtøkurnar og aftaná. Hetta hevur við sær, at bara 9. flokkur kann koma í skúla til próvtøku. Ársroyndirnar hjá 7. og 8. flokki verða á netinum. Tí møtir 9. flokkur sum ætlað til próvtøku í skúlanum í morgin og mikudagin, meðan 7. og 8. flokkur sita við nettelduni heima somu tíðspunkt, sum tey annars skuldu. Fimisrokningin er klokkan 8.15 til 9.15 og greiðslurokninging kl. 9.45 til 13.45. Meira ítøkilig kunning um heimaroyndina er á teams.

Byrjanar- og miðdeildin fara aftur til mannagongdirnar, sum vóru galdandi fyri einum ári síðani. Byrjanardeildin brúkar høvuðsinngongdina og miðdeildin hurðina í gongini, og næmingarnir eru ikki saman í fríkorterunum. Mint verður á at halda frástøðu, at vaska hendur og/ella spritta.

24. sep 2021
Skráin fyri Stranda kvøldskúla veturin 2021/­2022
30. aug 2021
Rennidagur í fagrasta veðri
28. aug 2021
Renningardagur 30. august 2021
20. aug 2021
Hugnadagar
20. aug 2021
21 næmingar í 1. flokk
12. aug 2021
Vit byrja aftur
17. jun 2021
Hjartaliga til lukku við próvnum
14. jun 2021
Prógvhandan 2021
Send fyrispurning