Tíðindi
Valevnislisti til skúlastýrisvalið 10. nov. 2020
Týsdagin 10. nov. verður val til skúlastýrið í Stranda skúla.
Hesi eru uppstillað:
Helga Bára Mohr Vang
Eyð Jansdóttir Smedemark
Turið Dyssegaard
Lis í Selvindi
Majbritt Holm
Jóhan Herlufson Funn
Kristian Østergaard
Kunngerð nr. 86 frá 6. oktober 2008 um at velja foreldraumboð í skúlastýri og kommunustýrisumboð í felagsskúlastýri
§ 2. Valrætt og valbæri til skúlastýrisval hevur hvør tann, sum hevur foreldramyndugleikan yvir barni, sum er skrivað inn í skúlan, sbrt. § 50, stk. 2, nr. 2 í lógini.
Stk. 2. Eingin kann atkvøða, uttan hann er á vallista.
Stk. 3. Foreldur at barni, sum komandi skúlaár flytur í annan skúla, hevur valrætt og valbæri í tí skúlanum, sum barnið flytur í, sí tó stk. 4.
Stk. 4. Foreldur at barni, sum í styttri tíðarskeið enn eitt skúlaár er í øðrum skúla, hevur ikki valrætt og valbæri í hesum skúla.
§ 3. Tað er borgaraskylda at lata seg velja sum foreldraumboð. Hetta er galdandi fyri tey, sum hava foreldramyndugleika yvir barni/børnum í skúlanum.
Stk. 2. Tann, sum hevur verið skúlastýrislimur í 2 valskeið, hevur ikki skyldu til at lata seg stilla upp.
Stk. 3. Kommunustýrið kann eftir umbøn sleppa einum valevni undan at koma á vallista, um serlig viðurskifti tala fyri hesum.
Valið fer fram í bygdahúsinum á Strondum. Atkvøðugreiðslan byrjar kl. 10:00 og heldur fram til kl. 20:00 ella so leingi veljarar møta uttan steðg.