Í hesum døgum fáa allir næmingar í 1.-7. flokki hvør sítt blað.

Tey í 1.-3. flokki fáa Píka7, og tey í 4.-7. flokki fáa STROK.

Summi eru haldarar, og tey fáa eisini tey komandi bløðini, 6 aftrat í hesum skúlaárinum.

Nýggir haldarar kunnu tekna seg á heimasíðuni strok.fo ella á heimasíðuni pikasjey.fo 

Haldaragjaldið er 250 kr um árið, og haldið er galdandi, til tað verður sagt upp. Øll kunnu velja millum at halda STROK, Píka7 ella bæði bløðini. Tað ber sjálvandi eisini til hjá næmingum í hádeildini at gerast haldarar.

Systkinaavsláttur: Fyrsta haldið kostar 250 kr, og tey eftirfylgjandi 125 kr hvørt. Avslátturin er galdandi fyri bæði bløð undir einum.

Bløðini verða latin haldarunum í skúlanum, tá ið tey koma út.