Fastalávintsmánadag var fastalávintshald í Stranda skúla. Tiltakið byrjaði klokkan 08.00 við felags morgunsangi, síðani varð farið upp á gólv. Í ár varð kvøðið ”Veturin kom”, ”Burtur á Heiði”, ”Brestis kvæði”, ”Tað liggur ein kavafonn” og so at enda ”Góða morgun ketta mín” við kvæðalagi.

Eftir kvøðingina slógu næmingarnir tunnu. Ein tunna var fyri hvørja deild. Kattakongar og tríggjar grýlur úr hvørjari deild fingu heiðurslønir. Tá næmingarnir høvdu fingið frukt og nakað av góðgæti, varð skipað fyri fólkadansi.

Nakrir næmingar í hádeildini høvdu gjørt eina myndaboks, har  næmingar kundu verða avmyndaðir.

Myndirnar liggja her (Eyðbjørg Kallsberg úr 8. fl eigur myndirnar)

Eitt væl eydnað tiltak endaði um tólvtíðina.