"Virkin oktober" er eitt átak, sum koyrir í tíðarskeiðnum 1.-31. oktober. Átakið tekur støði í boðskapunum í ABC fyri sálarliga heilsu, sum eru: ver virkin, ver saman og ver hugbundin. Stranda skúli er við í átakinum, og í ár skipa vit tað sum eina kapping. Tað ber til at fáa ein lutaseðil fyri hvønn dag við at taka mynd av tí, sum stendur at gera hvønn einstakan dag og senda myndina til kontaktlæraran. Myndirnar verða ikki brúktar til annað enn at tryggja, at uppgávan er gjørd, og tær verða slettaðar aftur, so skjótt kappingin er av. Tá mánaðurin er liðugur, trekkja vit lut millum allar lutaseðlarnar (myndirnar). Nógv ymiskt er at vinna - millum annað nýggja hondbóltslandsliðsblusan. Næmingarnir velja sjálvir, hvussu nógvar og hvørjar dagar tey vilja vera við í kappingini. Kalendarin yvir hvat skal gerast hvønn dag sæst her. Les annars meira um "Virkin oktober" her