Í dag fekk skúlin hugnaliga vitjan. Tað vóru Signar á Brúnni, Ólavur Christiansen og Hergeir Nielsen, sum allir hava arbeitt sum lærarar í Stranda skúla. Og eins fyri teir allar er, at hetta var teirra fyrsta lærarastarv. Signar og Ólavur gingu í sama flokki á Læraraskúlanum og byrjaðu at arbeiða í Stranda skúla í 1969. Hergeir byrjaði í 1972. Signar arbeiddi í 5 ár á Strondum, Hergeir í 4 ár og Ólavur arbeiddi her í 40 ár. Teir hava mangan tosað um, at tað hevði verið stuttligt at vitja gamla arbeiðsplássið aftur, tí her trivust teir sera væl og hava nógv góð minnir frá, og tað gjørdu teir so í dag. Stuttligt var at hoyra teir práta um tíðina, tá teir byrjaðu her. Teir kendu enn nógv nøvn aftur og mintust, hvørji foreldrini og familjan annars var. Tey árini, teir arbeiddu her, búðu teir í ymiskum húsum á Strondum. Ólavur treivst so mikið væl, at hann flutti ikki av bygdini aftur :) Takk fyri vitjanina og støkkið endiliga inn á góvið aftur eina aðra ferð.