Í dag var árligi renningardagurin hjá skúlanum. Veðrið var gott, men vit høvdu væntað og vónað, at sólin fór at kaga fram. So var ikki, men tað foraði ikki næmingunum í at renna. Áðrenn vit fóru avstað, skipaði ítróttarholdið fyri upphiting, og so vóru vit klár. Tey flestu runnu avstað, men eisini var onkur, sum tók tað nokk so róligt. :-) Tey allar flestu komu allan vegin norður til Sálarbótará - onkur varð koyrdur við bili heim aftur - og nøkur komu norð hagar meira enn eina ferð. Ja, tveir sera knáir beiggjar gjørdu ikki mætari enn at renna eitt maraton, sum er 42,2 km. Sera flott! Til lukku tit báðir. Dagurin endaði við sunkist og køku, sum næmingar úr miðdeildini og hádeildini høvdu bakað. Myndir frá degnum síggjast her.

Upphitingin kann síggjast niðanfyri