Tíðindi

03. jun 2020

Lærarastørv í Stranda skúla 2020-2021

Lærarastørv í Stranda skúla

Hesi størv verða lýst leys til setanar frá 1. august 2020.

Trý tíðaravmarkað størv vegna niðursett tímatal og avlopstímar:
 

  • Einum lærara at undirvísa í ymsum lærugreinum í byrjanardeild, umframt gentuítrótti í hádeild.
     
  • Einum lærara at undirvísa í ymsum lærugreinum í miðdeild, umframt dreingjaítrótti í hádeild.
     
  • Einum lærara at undirvísa í miðdeild og hádeild. Hetta starvið er ikki fulla tíð.  
     

 

Søkt verður eftir lærarum, sum

  • undir  ábyrgd leiðslunnar og í samstarvi við lærarar skúlans skulu undirvísa og taka lut í dagliga arbeiði skúlans
  • duga at samstarva og eru fyrikomandi
  • eru fúsir at taka á seg tær uppgávur, sum eru í skúlanum
  • halda fast um stavnhaldið, at í okkara skúla skulu øll kenna seg væl og trívast.
  • eru fús at taka við avbjóðingum og broytingum, sum menna og skapa virðing fyri skúlanum
  • eru vanir at nýta teldil í undirvísingini
     

 

 

Førleikakrøv:

Læraraútbúgving og linjulestur ella samvarandi førleika í nevndu lærugreinum.

 

Lønar- og setanartreytir

Størvini verða lønt í lønarflokki 18.1 – 29.2 sambært avtalu millum Fíggjarmálaráðið og Føroya Lærarafelag. Tíðaravmarkað størv verða sett fyri skúlaárið 2020 – 2021.

 

Umsóknir

Umsóknir við c.v., avriti av prógvum og møguligum ummælum skulu vera skúlastjóranum,

Hans Petur Jacobsen,

Strandatún 17

490 Strendur,

hans.petur.jacobsen@skulin.fo

í hendi í seinasta lagi mikudagin 17. juni 2020 kl. 15.00.

 

Fleiri upplýsingar um størvini fært tú við at ringja til skúlastjóran, Hans Petur Jacobsen, tlf. 472732 ella tlf. 232730.

 
Stranda skúli hevur komandi skúlaár um 130 næmingar og um 18 lærarar. Tú kanst lesa meiri um skúlan á heimasíðuni www.strandaskuli.fo

 

 

11. mar 2024
Byrjanardeildin í bygdahúsinum
07. mar 2024
Dansibólkur vitjaði mið- og hádeildina
06. mar 2024
SSP-politistur vitjaði 1.flokk
01. mar 2024
Broytingar í leiðsluni eina tíð
14. feb 2024
Myndir frá føstulávintshaldinum
30. jan 2024
Eingin skúlagongd mikudagin 31. jan
29. jan 2024
23 børn skrivað í 1. flokk
19. jan 2024
Góður sleðudagur í dag
Send fyrispurning