:/: Prutlini hjá postboðnum tey dríva á at koyra. :/:

:/: Um veturin fær postboðið sær húgvu niður um oyrað. :/:

 

:/: Taskurnar hjá postboðnum, tær eru um at bresta. :/:

:/: Har eru brøv og lýsingar, tó rokningar tað mesta. :/:

 

:/: Postboð renna sera skjótt, tá óðir hundar goyggja, :/:

:/: so kvikliga og lættføttir sær út um portrið smoyggja. :/:

 

:/: Prutlini hjá postboðnum, tey skreiða eftir gleri, :/:

:/: og postboð mutla: Hundans tíð, eg ikki meira beri. :/:

 

:/: Onkran dag er lagið gott, tá blíðar konur bjóða :/:

:/: at geva teimum drekkamunn og skuffukøku góða. :/: