Jósef og Maria leingjast,

tíðin tykist teimum long.

Eingilin bar gleðiboðið:

"Tit eiga skulu lítlan drong".

 

    Kveik eitt lítið ljós í myrkri!

    Birt tú eina vón um frið!

    Heimurin fær góða gávu:

    barnið, sum kann geva grið.

 

Jósef og Maria leita,

finna ongastaðni skjól

Náttin køld og alt er stilli.

Fjósið veitir teimum ból.

 

Jósef og Maria gleðast,

sonur svevur søtt á strá.

Maria kyssir smáu hendur,

hoyrir einglasongin tá.

 

Yvir allan heimin droyma

børn um hendan sama frið.

Rætt út hond, ver við í sangi.

Vit mugu eisini vera við.

                   Bjarte Leithaug - Tenn et lite lys

                   Tóra við Keldu týddi