Lítla barnið vil nú sova,

eygu møðast dagur fer.

Myrkrið fjalir yvir ljósið,

við barnsins síðu faðir er.

Lítla barnið eymligt teskar,

vísir síni kærleiksbond.

Eygu vísa kærleikskenslur,

tekur fatt í faðirs hond.

 

Babba, eg elski teg.

Babba, eg elski teg.

Av pápum tú bestur er,

bestur í hesi verð.

 

Orð tey røra faðirs kenslur,

av kinnum renna kærleikstár.

Kínir barn sítt blítt um ennið,

strýkur gjøgnum barnsins hár.

Søti skattur legg teg niður,

nú er vorðið seint og myrkt.

Mánalýsið fagurt skínur

yvir bygd og bý er kvirt.

 

Babba, eg elski teg...

 

Faðir vár við barni biður,

kyssir barn sítt góða nátt.

Brátt so valdar Harrans friður;

faðir trínir út um gátt.

 

Babba, eg elski teg...