Næmingarnir í hádeildini hava verið við í eini trivnaðarkanning, og niðurstøðan í kanningini er, at næmingarnir trívast væl og læra rímiliga væl. Tó halda tey, at undirvísingin kundi verið fjølbroyttari, og at tey oftari kundu arbeitt saman við onkrum, sum tey vanliga ikki arbeiða saman við. Eisini halda tey, at málburðurin í hádeildini er ov vánaligur og niðursetandi. Hetta valdu lærararnir at seta sjóneykuna á við einum trivnaðardegi, so næmingarnir sjálvir sluppu at seta orð á, hvat tey ynsktu. Dagurin var tí skipaður sum hugnadagur við fokusi á samspæli, práti, hugna og rørslu. Ein góður dagur.