Nýggjur varastjóri í Stranda skúla
Nú skúlaárið endar, hevur Petur Jákupsson valt at siga seg úr starvi sum varaskúlastjóri. Hann heldur tó fram sum tímalærari í smíð í hádeildini.

Petur hevur verið í starvi í Stranda skúla síðan 1981 og hevur verið varaskúlastjóri síðan 1999.

Vit takka Peturi hjartaliga fyri tíðina, hann hevur verið lærari og varaskúlastjóri og ynskja honum alt tað besta í framtíðini.

Søkt varð eftir nýggjum varaskúlastjóra at byrja komandi skúlaár. Inn komu fleiri umsóknir, sum vórðu viðgjørdar í setanarnevndini. Í henni eru formaðurin í skúlastýrinum, eitt umboð fyri kommununa, álitisfólkið á skúlanum og skúlastjórin.

Tað er ein samd setanarnevnd, sum hevur sett Mariann Djurhuus Poulsen í starv sum varaskúlastjóri.

Mariann hevur útbúgving sum bankafólk, lærari og cand.pæd.pæd. Hon hevur verið í starvi í Stranda skúla síðan 2002, men hevði styttri farloyvi í sambandi við eftirútbúgving sína. Mariann var eisini í farloyvi, meðan hon í trý ár var varaskúlastjóri í skúlanum í Eysturkommunu.

Vit bjóða Mariann hjartaliga vælkomnari í starvið sum varaskúlastjóri.

skrivað hevur www.sjovarkommuna.fo